Këta jemi

Sikur të mundohesha për vetveten

aq shumë

sa bregosem për çështjen shqiptare

për shtetetin ligjor

për barazinë gjinore

për të drejtat e njeriut

për ligjet e shpërfillura

aporvuar sa për sy e pa faqe

do t' i kisha punët shumë më mirë

do të kisha më shumë kohë për shetitje

për vrapim

për takime me të dashurit

me shokë real

të prekshëm

ndoshta edhe do të kisha merituar dashuri më shpesh

dhe piskatur sa të dëgjojnë edhe fqinjët

e jo të stepem e plogështohem duke lexuar gazeta:

çudira dhe sharje dhe thyerje tabush

dhe ndryshime surratësh

ditën dhe natën

nga e moralshmja

deri tek ekstremizmi

nga mallkimi i dashurisë

deri tek madhërimi i vdekjes

dhe

sikur të mendoja për veten

mbi të githa

do të kisha fjetur më mirë

por, edhe kur nuk shkruaj

nuk jam i qetë

nga zhgënjimi, trishtimi dhe gjykimet perverse

të klosharëve, sharlatanëve dhe proftierëve të kaosit të dirigjuar

nga i cili përfitojnë

dhe në fund them vet me vete: nuk do të shkruaj

ne nuk ndryshojmë brenda një dekade

na duhen shekuj...

kur shfaqet njëri që ndërton

faniten dy apo tre pranë tij

që rrënojnë dhe përfitojnë

këta jemi ne

dhe të tillë jemi

mund t' i fshijmë hundët me mëngë

të pështyjmë mbi tavolinë

të shajmë nënën dikujt

duke korrigjuar nga arsimimi i dobët nga ta “çifsha nanën”

në të “qifsha nënën”

duke sharë tjetrin si spiun

pse e kanë sharë atë në shtëpi si “tinzak”

duke prodhuar spiun pa pushim

për ta fshehur spiunazhin vetjak

dhe paguesin

edhe pse gjoja i arsimuar

i mungon shkopi dhe delet

edukatë nuk ka marrë kurrë

por mësuar t' i përkthej ofendimet e marra

dhe krekoset si gjeli mbi pleh

dhe fajet nuk i ka ai

por plehu që e duron...

ani

koha do t' i nxjerrë rrënjët në diell

tok me pagesat

dhe obligimet që ka marrë

për të shtangur dhe rrënuar nga brendia

Në fotografi të drejtat e njeriu aprovuar nga Asamblea Nacionale Franceze gjatë seancave të 

20, 21,23,24,dhe 26 gusht të vitit 1789, pranuar nga mbreti. Ishin rezultat i iluministëve francez...