Pasi u ulën ata, një hyzmeqare mbylli derën e
konakut vezor. Pashai u hodhi një vështrim shëtitës të pranishmëve dhe urdhëroi:
-“Hapni penxhere-sehirët!” Të gjithë u shikuan në
mes vete dhe nuk lëvizën duart para vete.
-“Ah, nuk e dini”, nxitoi pashai duke parë se
askush nuk e kuptoi.
-“Jemi marrë vesh me sulltanin të mos e quajmë më “Windows-Vista”,
por shqip: “Penxhere-sehir.”
Disa ministra përkulën kokat, disa i tundën, por
të gjithë, sipas urdhrit, ndezën lapsalot. (Qeveria
për shkak të paradëftimeve jo aq të mira në filxhanin e kafesë, ka shpallur
haram emërtimin: “Lap-Top.”)
- “Shkoni ju lutem në facebook tek faqja “Sali Berisha Nderi i Kombit.” Sot aty do
ta bëjmë çatin e 770. E shihni të dashur ministra, tha ai duke parë ata; Mark Zuckerberg
në faqen e tij, ku janë mbledhur truç gati një miliard njerëz, ka hapur një
faqe nderi për mua...”
Të pranishmit u ngritën dhe duartrokitën tre
minuta duke u buzëqeshur dhe shikuar me mburrje njëri tjetrin. Në fund fërkuan
duart. Shumë çate të Qeverisë, kryesisht kur Hamza Salioti nuk dëshironte të
flasë, zgjasnin deri sa këndonte hoxha i parë në agim.
Ai uli kokën, nisi shkrimin me dy gishta dhe të
gjithë prisnin fjalinë e parë:
- “Të dashur ministra, pranoni goxha shumë selame
të prushta nga sulltani. Takimi atje ishte mega-vëllazëror, i faktuar, më i
madhërishëm dhe më i fuqishmi deri më tani”, dhe cak shtypi ”enter. “ Bode i
vuri gjyzllëkët, Nishani i hoqi. Vasili kroi kokën, Bregu e tundi në shenjë pajtimi.
-“Nuk ishte vetëm pritja madhështore, por më
prekëse ishte ndarja”, shkroi kryeministri dhe shtypi “enter” përsëri.“Rrugët
qenë bllokuar në qytet...”, vazhdoi pashai.
“Sa veta kishin dalë shkëlqesi?”, shkroi zëvendësi
efendi Haxhinasto dhe shtypi “enter.”
“Gjashtë milion!”, shkroi ai me një buzëqeshje të
lehtë dhe shtypi “enter.”
“Oboo, ububu, wow, bajagi shumë dynjallëk...”,
shkruan të gjithë ministrat njëri pas tjetrit dhe dërguan shumë kokëza të
buzëqeshura (
) si shenjë se po ndanin kënaqësinë
me të.
) si shenjë se po ndanin kënaqësinë
me të.
-“Nuk ishte vetëm kjo, por ata kishin dalë të më
prisnin me tirq dhe me plisa...“
-“Sa çast i këndshëm...”, shkroi efendi Nishani.
“Çok gjyzel...”, shkroi efendi Imami.
-“Aferim!”, shkroi efendi Myqeremi. Në këtë çast u
ngrit hanëmja Bregu dhe nisi me duartrokitje. Pas saj, edhe të tjerët. Duartrokitja
skizofrenetike zgjati rrafsh pesë minuta.
-“Uluni, uluni!”, shkroi pashai. Kur ata panë se
po vazhdonte me raportin, zunë vendet e tyre përsëri.
-“I thash sulltanit”, shkroi tutje Pashai, “
përzierja e gjakut tonë mavi, me gjakun e tyre të kuq, do ta ndihmojë shumë
Turqinë, por këtë e kishte konstatuar dhe kuptuar edhe...”
-“A do të hapen shkolla shqipe atje?”, ndërhyri
zoti Olldashi dhe shtypi “enter”
-“Po, po!”, shkroi pashai. “Do të hapen mijëra
mejtepe të ulëta, të mesme dhe të larta. Në fillim vetëm fetare. Me rëndësi të
fitohet xheneti një herë, më vonë, ndoshta edhe për ata që nuk besojnë se bajagi-lezeti
vjen pas vdekjes...” dhe me gishtin tregues shtypi “enter.”
Të pranishmit u ngritën në këmbë dhe duartrokitën
shtatë minuta duke piskatur: -“Me ymër e sagllëk pashai jonë! Me ymër e sagllëk
pashai jonë!”
-“Ju faleminderit, ju faleminderit; uluni ju
lutem, uluni!”, shkroi pashai. Ata u ulën.
-“A do të
na ndihmojnë për zgjedhjet?”, shkroi ministri i Sagllëkit.
-“Po, pa shybe!”, shkroi pashai. “ Por, edhe nëse
nuk i fitojmë, do t’ i bëjmë hesap vet votat. Si edhe herën e fundit. Unë nuk
mund të dorëzoj pushtetin, populli ka kontratë me mua, madje edhe nëse bëhet
luftë sheherli. Këtë ia thash sulltanit. Demokracinë e kam fituar unë, nuk e
gjeta në mesin e miletit dhe nuk ia fal
më askujt! Demokracia është e imja, e jona. Me
gjak e kemi fituar, pa gjak, nuk e japim!!!”, shkroi pashai me shkronja
të mëdha dhe shtypi “enter.” Sapo lexuan këtë ministrat, brofën në këmbë dhe shpërtheu
brohoria:
“Sali Beter,
Jemi gati kurdoherë!
Sali Beter,
Jemi gati kurdoherë!”
Disa çaste më vonë, pashai shkroi me shkronja të
mëdha: “ULUNI, ULUNI!” Ata njëri pas tjetrit u lëshuan në ulëset e tyre duke u
shikuar me krenari në mes vete.
- “Kë do bëjmë kryetar të vendit?”, shkroi
ministri i Jabanxhillëkut.
-“Po...”, shkroi Pashai. “Na duhet një Kryetar i
shtetit, që nuk guxon t’ i kundërshtojë ligjet tona. Një Kryetar, që arsyeton,
përligj dhe argumenton veprimet e Qeverisë. Nëse për shembull pas zgjedhjeve të
ardhshme shpërthen lufta qytetare dhe efendi Nishani jep urdhër për të mbrojtur
shtetin nga armiqtë e brendshëm, këtë nuk duhet të guxojë ta vejë në dyshim
njeri, përndryshe bëhemi jazëk-demokraci. Ju mund të lakoni emrat që ju
pëlqejnë në rasën kallëzore, unë ju tregoj se a mund të përdoren ata emra edhe
në rasën emërore. Unë pres lakimet e para! Ju kallëzoren, unë emëroren. Apo më
mirë: Ju kallëzuesin, unë kryefjalën!”
-“A nuk bën një grua nga radhët tona, një të
përshtatshme?”, shkroi zonja Bregu.
-“Në Gjermani kemi një grua, që drejton shtetin.
Në SHBA kemi sekretaren, në Kosovë kryetaren...“, shkroi zoti Pollo.
-“Ne kemi një zonjë të bukur, që din të shajë dhe
të pështyjë si burrë i vërtetët.”, shkroi zoti Ksera.
- “Kemi një zonjë delikate, por të ashpër dhe trime,
vret e pret si burrë; si në kohën e fshesës. Si në kohën e shkopit. Pse të mos
e zgjedhim atë, kur kemi një burrneshë të tillë. Pastaj, edhe ajo, si ne, ka
gjakun mavi. Bitevi mavi! “, shkroi zoti Ruli.
-“Mendoni për Jozefina Topallin?, pyeti ministri i Dallavereve dhe Sikter-Teneqeve.
-“Po!”, shkruan disa ministra.
-“Jo, Jozefina Topalli, por Çalamani”, shkroi zoti
Pollo. “Mbiemri do t’ i ndryshohet. Mbiemrat të tillë kanë ndikuar tek
ministri jashtëm turk, që neve të na
konsideroj mbeturina osmane, prandaj me ligj, do t’ i ndryshohet mbiemri nga “Topalli”
në “Çalamani!” Nëse në një vend të botës takoni një njeri, që mban mbiemrin
“Bardhi”, ju do të mendoni se është me origjinë shqiptare, kjo është arsyeja
pse turqit na quajnë vëllezër dhe mendojnë se jemi turq të asimiluar. “, dhe
shtypi “enter”. Pashai pa se mbledhja po acarohej dhe shkroi: “Pushooooni!”Ata
pushuan dhe u mbështetën në karrige.
-“Të shohim, do ta kem parasysh Jozefinën", dhe
drejtoi bisedën në një kahe tjetër.
Shkroi se do ta kishte dëshiruar për kryetar Adil
Çarçanin, mirëpo, për fat të keq, ka vdekur. Edhe Ramiz Alia, nuk do t’ ishte
keq, por edhe ky iku. “Na mbetet Nano”, shkroi pashai i ngrysur...”Me Nanon
ishim në të njëjtën parti, madje edhe intelektualët kanë nostalgji për të parë
edhe një herë frytet e Partisë së Punës në maje të ngrehinës demokratike...”
Diskutimi vazhdoi deri në mëngjes. Zonja Bregu dhe
Çalamani ikën të paqejf. Sapo dolën ato jashtë, ministrat braktisën faqen “Saliu nderi i kombit” dhe kërkonin filma
për të rritur nëpër haremet e internetit...
PS:
1. Nëse bazohemi në turqizmat në gjuhën shqipe, që
i kuptojmë edhe njëqind vjet pas çlirimit, mund të konstatohet kjo: Po të kishte mbijetuar
pushtimi osman edhe një shekull, në Ballkan nuk do të kishte mbetur asnjë shqiptarë.
Këtë e dëshmojnë “shqiptarët” e Turqisë. Betimi “n’kofsha turk” tregon se
shumë shqiptarë nuk dinin se çka ishin dhe asimilimi ishte në përfundim e
sipër...
2. Nëse Nano bëhet kryetar i Shqipërisë, atëherë, gjendja
patologjike në Shqipëri do të vazhdojë. Me këtë dëshmohet se Shqipëria nuk ka
mundësi tjera intelektuale, por do të shërbehet vazhdimisht nga qypi Partisë së
Punës...! Kryeministri dhe kryetari i shtetit demokratik, anëtar i
NATO-s, pinjoll të stalinizmit dhe nxënës të Enver Hoxhës. Edhe atë në dekadën
e dytë të shekullit XXI. A është kjo herezi? Jo, kjo nuk është herezi. Ky është
imoralitet!
tribuna shqiptare dhe shekulli
tribuna shqiptare dhe shekulli
Libra nga Lis Bukuroca
Ata që jetojnë në Gjermani mund t'i porosisin disa libra edhe te thalia.de ose në 340 libraritë e saj në Gjermani, Austri dhe Zvicër.
Gjenden edhe te libraria më e madhe në SHBA Barnes and nobles dhe mund të porositet, përveç online, në 630 libraritë e tyre. Shikoni ju lutem se ku ju konvenon çmimi më tepër. Unë mund të vendos vetëm për çmimin te lulu, jo te botuesit tjerë.
Kuptimi i jetës te amazon *, Kuptimi jetës te lulu **, Letër burrave (I )te amazon
Letër burrave (I) te lulu, Letër burrave (II) te amazon, Letër burrave (II) te lulu
Ngjyrat e dashurisë te amazon, roman vetëm për lexues të moshës madhore, Ngjyrat e dashurisë te lulu, roman vetëm për lexues të moshës madhore
Shtatë parimet e dashurisë, Hijedritat e jetës, Die Asylbewerber, komedi gjermanisht
* Te amazon tash e tutje mund të porositen edhe nga Australia.
** Te lulu mund të porositen nga 150 vende të botës. Shikoni çmimin se ku ju konvenon më shumë.
Keine Kommentare:
Kommentar veröffentlichen